عهد الحب
بلدي كانت تله خضرة
طيور الحب بتحج الها
زمن العهر
قلب الكفة طلعنا منها
طلعنا منها
وحل البين محل الدين
طلعنا منها
وفيها سكن غراب البين
وفرد جناحو عالشطين
طلعنا منها
ولدتنا سنين الغربة
وربتنا خيام المنفى
بلدي
وآه يا بلدي
كانت بلدي
شجرة خضرة
صارت بلدي
بصدري غصة
صارت بلدي
بعد فراقي
صخرة سودة ما بتنشاف
طيور الي كانت تيجي بلدي
وتحج الها
رجعها الشريط الأسود
وقدر عالرد
طيور الي كانت
بتعيش هناك
جاعت .... عطشت
عريت ... بردت ... هجرت
لكن اسلاك الشوم السودة
وقفت عالحد
****
وقفت حمده
بباب الخيمه
نطقت حمده بباب الخيمه
حملت طفلا
رفعت راسها تناجي الرب
دموعا نزلت عالخدين
هجم الجندي بسلاحين
هزمت ... ركضت
وقعت ... قامت
الطفل بيبكي
وصلت جامع
وقفت ببابه
وقفة طويلة
شهقت ... زفرت
وغنت بدموع العين
يما مواويل الهوى
يما مواليا
ضرب الخناجر
ولا حكم العرب فيّ
يما مواويل الهوى
يما مواليا
ضرب الخناجر
ولا حكم الصهيونية
****
وصل الطير
بعد الجهد فوق الخيمة
وقف وقال :
حمده ... حمده ... حمده
كان التل حلة خضرة
صار التل فحمه سوده
فوق التل مافي صوت
تحت التل عظام وقدرة
بكيت حمده
دموعك حمده
صارت سيل
عيونك حمده
نبع ومنار
نطق الطفل بحضنا
وقال : يما
هاتي يما لبن البز
هاتي يما لبن العز
أحمد يكبر
يكبر
يكبر وكبر العز
أحمد شب ... راح يطوع
صار بالثورة
حمل سلاحه
وداس عالجرح
****
أحمد واقف بالمتراس
أحمدماشي عالأخطار
حامل همه وهم الغير
حفروا لأحمد حفر ة نار
سمعة صرخة
قالت : حمده
حماك الرب
أحمد ماشي وبقي عالدرب
كل سيوف الغادر ضده
كل العالم ما حدا حده
وبعده أحمد
بحالة حرب
امه جنبه
أحمد راسه
أحمد ايده
أحمد اجره
أحمد صدره
لكن أحمد صان العهد
****
سألت عنه
أحمد ... وين
قالوا: أحمد بالمتراس
دارت ... لفت
نبشت ... حفرت
حفرت حمده تراب التل
برمش العين
أحمد واقف بالمتراس
وبيده حامل رشاش
وقفت ... صرخت ... نادت
وقفت مهرة
بعز الليل
مهره بيضة
تزيغ العين
إجاها السهم
في نص الصدر
صاحت ... أحمد ... أحمد
رد بدمه
:صاح وقال
أنا يا بلادي
أنا عالعهد
حسن نعيم 
06 فبراير, 2006 12:20 م