إخوتي وأخواتي أو ل شئ كل عام وأنتم وجميع أمة محمد صلى الله عليه وسلم
بألف خير حبيت أكتب موضوع بمناسبة الشهر الفضيل
بس ما بعرف شو صارلي حسيت بغصة بحلقي وضيق بصدري
وما راح أخجل منكو كرجل إني وأنا عبكتب هلأ الدمعة نازلة من عيني , بجد ما بعرف شو صرلي إتذكرت مقالة للأخت حلا كتبتها قبل كم يوم وكيف كانت التعليقات عليها لأنها قالت إنو القصة إلي عبتئراها إحتوتها وعاشت لحظاتها
بس أنا هون متلها موضوعي إحتواني
وأنا عبكتب عن رمضان وعودته علينا وعن أقصانا وجرحه النازف فينا
عن دمه إلي نازل من عيونا ومآقينا وكيف عاد علينا
عن إسلامنا إلي صار لعبه بيد أعادينا
بذمتكم مش حرام علينا نشوف حتى البابا بيطول لسانه على إسلامنا وعلى نبينا فين النخوة فين العزة فين الشرف ياعالم فين رمضان وفين إسلامنا وفين أقصانا وفين أراضينا
وفين صلاح الدين يمسح الدمع من مآقينا
لما بلشت أكتب إتذكرت حالي طيب ياربي شو بكتب وشو بدي أكتب كتبت كتير أه إتذكرتك حالي كتبت مقالة من عشرين لا ياربي خمس وعشرين سنة لما كنت
بقسم الصحافة يومتها كنت بخدم بجيش التحرير الفلسطيني
وكتبت المقالة الي ماخد صورة منها ومخليها ذكرى قلت لما نرجع بحطها على حيط القدس هدية لكن مر رمضان ورى رمضان وبعدني بنطر وبستنى وحبيت إتشوفوا كم سنه مروا من عمر هالي كتبته ولسه بننطر وبننطر رمضان رجع رمضان راح بكرة بنرجع بكرة بنشوف البلاد صار الوعد وعد إبليس بالجنة
ورجعتنا للقدس لفلسطين شو بدي أحكي تعالوا معي ها المرة نصحى تعلوا معي ولو مرة نصحى , بكفي ولإ بتفكروا رمضان فرحان فينا وهو راجع حزين
خلو مرة رمضان مرة وحده بالعمر يرجع لابس ثوب الفرح ثوب النصر خلوا ربنا يقبل منا , كيف بنصلي وكيف بنصوم والأقصى جريح وبيصرخ يا عالم يا ناس يا مسلمين
أنا قبلتكم بالأسر , ولا بس هو حكي بنركع وبنصلي وبنصوم وهاي القدس والله بتنزف من غاصب لشرفها آآآآآآآآآه يا شرفها
إلي بعتوه إنستوه ذبحتوه
تعالوا معي نرفع أذان الله وأكبر فوق الأقصى تعالوا معي نقول للعالم لأ
لغير الله ما بنركع تعالوا نقول للبابا تبت يداك يا أبا لهب ولكوندا حمالة الحطب
تعالو ا معي نرجع الفرحة لرمضان زي ما كان أيام عمر (ر) وصلاح الدين وفرحة نصر حطين تعالوا شي مرة نخلي ربنا يقبل منّا صيام رمضان ولو متنا نموت على إيمان وعزة ونصر ونقول للبابا وللي زيه عيسى (ع) برئ منك ليوم الدين وعيسى ومحمد(ع) إخوة منذ الخلق ليوم الدين تعالوا معي نقول صامدين وحنرجع يا رمضان للقدس للأقصى لفلسطين ونضوي الهلال عابوابك
إبتسم يارمضان إحنا للإسلام راجعين
20 سبتمبر, 2006 11:18 ص